Om

I Tveitgrendløypa kan du enten gå rundløypa på 7,6 km,eller velje Veslerunden på 2,5 km. Du kan også forlenge turen med 1,9 km frå Heimdal opp til Haukstoga, eller ta kortare «sløyfer» og koma inn att på hovudvegen i Tveitgrend. 

​​​Løypa startar og endar her ved Grendehuset. Den går i vill, vakker og variert natur langs Bandak. Du vil raskt koma til flotte utsynspunkt og rasteplassar undervegs. På den lengste rundturen vil du passere fleire gamle husmanns­plassar og kulturminne.

Langs Bandak er det stupbratte fjellsider der gamal skog så vidt klorar seg fast. Vegetasjonen er svært frodig og variert med fleire sjeldne planter. På ein einaste dag i 1996 vart det talt opp 250 planteartar langs Tveitgrend­løypa (botaniker Inger Nordal).

Start med å gå til venstre langs den private grusvegen, ca 270 m. Der fortset du til venstre og fylgjer skilt og raude merke undervegs.
Etter 1,4 km kan du enten gå den lette veslerunden, som går i fin, gamal skog tilbake til Grendehuset, eller du kan ta rundløypa mot Heimdal. Her går stien i stigande og variert skogsterreng langs Bandak, og turen er middels krevjande.

På rasteplassen litt sør for Heimdal får du eit storslått utsyn utover Bandak og Kviteseidfjorden. Fortset nokre hundre meter til, og du er omlag halvvegs i rundløypa.

Her kan du velje å fortsetje turen vidare opp mot utsynspunktet Haukstoga, som formeleg «heng» loddrett om lag 500 m over Bandak. Utsikten er spektakulær med m.a. berghamaren St.Olavs skip og Kassen på andre sida av kanalen. Nyt den urørte villmarksnaturen rundt deg, men ver også forsiktig langs fjellsida her!

Ned att fylgjer du same veg tilbake til Heimdal. Derifrå går rundløypa nedover i skogsterreng, så på traktorveg fram til Flatin. Her fortset du eit par hundre meter langs hovudvegen, og tek til høgre ved Fentesvingen, inn i skogen og ned att mot Grendehuset.
Ta vare på denne vakre naturen. Me ynskjer alle ein fin og sporlaus tur.

Ansvarsfull ferdsel for å bevare naturen
Når du beveger deg i naturen, er det avgjørende å praktisere ansvarlig ferdsel for å bevare og respektere det naturlige miljøet. Dette inkluderer å følge oppmerkede stier for å unngå skade på økosystemene, ta med deg søppel og respektere lokale regler og restriksjoner. Sørg for å unngå å forstyrre dyrelivet, og vær oppmerksom på eventuelle spesielle hensyn knyttet til verneområder. Ved å være ansvarsfull i dine utendørsaktiviteter, bidrar du til å opprettholde skjønnheten og bærekraften til naturen, slik at kommende generasjoner også kan nyte den.