Om

Skorve er eit majestetisk fjellmassiv i Seljord og eit populært turmål for både lokalbefolkning og tilreisande. Med si imponerande høgd og spektakulære utsikt over Telemark, byr Skorve på ei uforgløymeleg naturoppleving for den turglade. Her ligger også mykje historie frå krigen, då det styrta to fly her – eit ved Gøysen og eit ved Hestenutan.

Praktisk informasjon

  • Distanse: ca. 5 km 
  • Tid: 4 timar
  • Vanskelegheitsgrad: Krevjande

 

Tur/retur Gøysen
Dette er ein flott og krevande dagstur med formidabelt utsyn over fjellheimen i Telemark. Du kjem raskt over tregrensa så sørg for å pakke sekken med ekstra varme klede og vindtett jakke. Hugs at veret kan skifte fort i fjellet!

Starten på turen er bratt og du går gjennom tett skog som etterkvart opnar seg og du får flott utsikt utover Kivledalen. På vegen opp er det skilta til vraket av Liberatoren. Dette er ein avstikker frå løypa til Gøysen på cirka ein km tur/retur. Det høgaste punktet på turen er varden på Gøysen 1370 moh. Her kan du nyte utsikta over mest heile Telemark! Du går same vegen tilbake (10,2 km tur/retur) til p-plassen. 

Lengre tur
Dersom du ynskjer ein lengre tur (14 km) kan du vandre vidare til den nest høgste toppen, Nordnibba (1365 moh). Ver merksam på at det er dårleg merka mellom dei to toppane så du bør ha med kart. Frå Nordnibba kan du gå vidare gjennom den frodige Finndalen til Skriustøl og vidare ned til grusvegen Kivledalsvegen. Det er imidlertid langt å gå på grusveg for å koma til p-plassen att så me anbefalar å sette ein bil i kvar ende av løypa dersom du vel å gå turen i sin heilskap!

 

Slik kjem du deg til Skorve
Start turen ved turistinformasjonen i Seljord sentrum. Køyr 500 m vestover. Sving til høgre opp Gullnesvegen. Du køyrer gjennom eit byggjefelt med mange stikkvegar til høgre og venstre, men hald deg på Gullnesvegen. Du køyrer 10 minutt på grusvegen inn i Kivledalen, til P-plassen ved Haugan.

Kart finn du på turistinformasjon eller ved å laste ned Fintur-appen!